11 марта 2017 г.
Юлашки вăхăтра Раççей кĕпĕрнаттăрĕсен ĕç-хĕлне хак паракан тĕрлĕ агентствăсен тĕпчевĕсенче Чăваш Ен Пуçлăхĕн Михаил Игнатьевăн рейтингĕ çирĕпленсе, çÿлелле çĕкленсе пырать.
Акă Информаци коммуникацийĕсен «Рейтинг» центрĕ нумаях пулмасть «Наци рейтингĕ» проектпа килĕшÿллĕн черетлĕ тĕпчев ирттернĕ. Çĕршыври кĕпернаттăрсен корпусĕн 2017 çулхи кăрлач-нарăс уйăхĕсенчи ĕç-хĕл хаклавĕн кăтартăвĕсемпе Чăваш Республикин Пуçлăхĕ Михаил Игнатьев 23-мĕш вырăн йышăннă, РФ субъекчĕсен пуçлăхĕсен малта пыракан пĕрремĕш ушкăнне кĕнĕ. Çак йышра çавăн пекех Ямал-Ненец автономи округĕн, Мускав хулин, Тюмень облаçĕн, Тутар, Пушкăрт, Мордва республикисен ертÿçисем пур.