11 марта 2017 г.
Чăваш Ен Республика кунне хĕрсех хатĕрленет. Кăçал ăна Шупашкарта тата Пăрачкав районĕнче уйрăмах чаплăн уявлĕç.
Республика кунĕн программи анлă та нумай енлĕ: тĕрлĕрен форумсем, выставкăсемпе фестивальсем...
Халăх пултарулăхĕн «Раççей çăлкуçĕсем» фестивалĕ 25-мĕш хут иртĕ. «Регионсем: аталанăвăн çĕнĕ çăлкуçĕсем» экономика форумĕ, «Регионсем – чикĕсене пăхмасăр килĕштерсе ĕçлесси» регионсем хушшинчи выставка, фейерверксен пĕтĕм тĕнчери Х фестивалĕ пин-пин çынна пуçтарĕç.
Шупашкарти Хĕрлĕ лапамра Раççей ачисен пĕрлештернĕ хорĕ чаплă концертпа савăнтарĕ.
Пăрачкав районĕнче 12 ял тăрăхне те гербсемпе ялавсем пама палăртнă. Район уяв умĕн çĕнелсе илемленĕ, çĕнĕ объектсем хута кайĕç.