11 марта 2017 г.
Чăваш кĕнеке издательстви Лондонра мартăн 14-16-мĕшĕсенче иртекен 46-мĕш кĕнеке ярмăрккине хутшăнать.
Ярмăрккăра Раççей стендĕнчи 450 ытла кĕнекепе паллашма пулĕ. Вĕсене 30 ытла издательство тăратнă. Чăваш кĕнеке издательстви К.Ивановăн «Нарспи», «Шупашкар - Чăваш Енĕн тĕп хули» тата ытти кĕнекесемпе паллашма чĕнет.
Палăртма кăмăллă: Чăваш кĕнеке издательстви паллă куравсене сахал мар хутшăнать. Акă, нумаях пулмасть Мускавра, Хусанта иртнĕ куравсенче вăл кăларнă кĕнекесене пысăк хак панă.
О.ФЕДОРОВА.