11 марта 2017 г.
Хăвăлçырмари культура çуртĕнче «Эпир – чи телейлисем» конкурс иртрĕ. Унта çичĕ çемье хутшăнчĕ.
Трофимовсем, Кузьминсем, Шкаповсем, Ловкинсем, Ивановсем, Зайцевсем, Трофимовсем тĕрлĕрен конкурссенче тупăшрĕç. Çемьесем пĕринчен тепри пултаруллă, хаваслă, ĕçчен, илĕртÿллĕ пулнипе палăрчĕç. Кашни çемье тĕрлĕ номинаци çĕнтерÿçи пулса тăчĕ. Вĕсем диплома тата парнене тивĕçрĕç.
Çак уява ирттерсе яма пулăшнă ялти хĕрарăмсен канашĕн ертÿçине З.Михеевăна, парне туянма спонсор пулнă «АСК-Яльчики» агрофирмăн ĕç тăвакан директорне Ю.Галкина, М.Сурковăпа А.Суркова, С.Краснова тата конкурса хутшăннă кашни çемьене чун-чĕререн тав тăватпăр.
В.ГАЛКИНА.