Публикации » Çĕнĕ кайăксем вĕçсе килнĕ

11 марта 2017 г.

Районти ЗАГС пайĕнче Пĕтĕм тĕнчери хĕрарăмсен кунĕ умĕн Амăшĕпе Ашшĕн çулталăкне халалласа «Анне шкулĕ» мероприяти иртнĕ.

Уява иккĕмĕш, виççĕмĕш ача çуратнă çамрăк çемьесем хутшăннă. Акчелĕнчи Кузьминсемпе Лаш Таяпари Леонтьевсене ЗАГС пайĕн ертÿçи Н.Баймушкина Чăваш Республикин Пуçлăхĕ Михаил Игнатьев çемьесене çĕнĕ кайăк вĕçсе килнипе янă салам открыткине, РФ Пенси фончĕн Елчĕк районĕнчи пайĕн ертÿçи З.Яковлева ача амăшĕн сертификачĕсем, асăнмалăх парнесем парса чысланă. Архиповсен çемйи телейлĕ амăшĕсен ячĕпе илемлĕ юрăсем шăрантарнă.