07 марта 2017 г.
Çĕнĕ Пăвари шкулăн спорт залĕнче ирĕклĕ майпа кĕрешекенсем спорт мастерне, СССР пĕрлештернĕ командин членне, çак ялта çуралса ÿснĕ Владимир Филимонова асăнса ирттернĕ VII турнира хутшăннă.
Ирĕклĕ майпа кĕрешекенсем хăйсен ăсталăхĕпе тĕлĕнтернĕ - кашниех мала тухма тăрăшнă. Çапах та 2003 çулта çуралнă тата çамрăкрах спортсменсенчен хăйĕн виçисенче Д.Крысов, Д.Иванов, Д.Петров, Р.Александров /Елчĕк/, Р.Иванов /Çĕнĕ Пăва/ çĕнтернĕ.
Командăсенчен Елчĕкри шкулти кĕрешÿçĕсем мала тухнă, дипломпа куçса çÿрекен кубока çĕнсе илнĕ. Иккĕмĕшпе виççĕмĕш вырăнсенче - Çĕнĕ Пăвари тата Кушкăри шкулсен командисем.