01 марта 2017 г.
Патреккелĕнчи шкулăн спорт залĕнче пĕртăван Клементьевсен парнисемшĕн йывăр атлетикăна кăмăллакансем помост çине тухнă.
Хĕрÿ кĕрешÿре хĕрсенчен М.Антонова, Е.Андреева /Елчĕк/, М.Яковлева /Кивĕ Эйпеç/ мала тухнă. Арçын ачасемпе арçынсем хушшинче хăйсен виçисенче А.Панкратов, Д.Перцев, А.Сахров, А.Марков /Кивĕ Эйпеç/, А.Никонов /Курнавăш/, М.Тарасов, М.Марков, П.Филимонов /Патреккел/, В.Воробьев /Таяпа Энтри/, Н.Конюков /Çĕнĕ Пăва/ çĕнтернĕ. Кăтартусене Синклер таблиципе килĕшÿллĕн пĕтĕмлетнĕ хыççăн командăсенчен Елчĕк, Курнавăш ял тăрăхĕсем, Кивĕ Эйпеçри шкул мала тухнине палăртнă.
Уйрăм çĕнтерÿçĕсемпе призерсене медальсемпе, грамотăсемпе, çĕнтерÿçĕ командăна кубокпа, ыттисене грамотăсемпе тата призсемпе чысланă.