08 февраля 2017 г.
Çулталăк пуçлансан ялсенче пухусем иртеççĕ. Вĕсенче иртнĕ çулхи ĕç-хĕле пĕтĕмлетеççĕ, малашлăха палăртаççĕ.
Хăвăлçырма тата Кÿлпуç ялĕсенче ирттернĕ пухура Çирĕклĕ Шăхаль ял тăрăхĕн пуçлăхĕ Леонид Кошкин тунă ĕçсене пĕтĕмлетнĕ май, право ыйтăвĕсем çинче чарăнса тăнă, преступленисен çулне пÿлме, терроризмпа наркомание хирĕç тăмаллине те палăртнă.
Пухура «АСК-Яльчики» ОООн ĕç тăвакан директорĕ Юрий Галкин, район администрацийĕн ялхуçалăх пайĕн начальникĕ Петр Тремасов, пушар асăрхавĕн районти патшалăх инспекторĕ Сергей Сардаев тухса калаçнă.
Пухăннисене ял тăрăхĕнчи культура ĕçченĕсем, Исония Волковăпа Алевтина Воробьева юрă-кĕвĕпе савăнтарнă.