08 февраля 2017 г.
Район сучĕ Раççей ФСИН Чăваш Республикинчи управленийĕн айăплава пурнăçлакан инспекцин районти филиалĕн ертÿçин кăтартăвĕпе килĕшÿллĕн, пĕр çын енĕпе ирĕклĕхе чакарнине тытса хупнипе улăштарнă.
Иртнĕ çулхи апрелĕн 4-мĕшĕнче Саратов хулинчи Ленин район сучĕ Чăваш Тăрăмĕнче пурăнакана çын çине транспорт хатĕрĕпе пырса кĕрсе унăн сывлăхне сиен кÿнĕшĕн 1 çуллăха ирĕклĕхе чакарасси çинчен йышăну кăларнă. Анчах арçын ăса кĕме шутламан: час-часах палăртнă вăхăтра килте пулман, эрех-сăра ĕçнĕ, ĕçлеме пăрахнă. Çакăншăн ăна 4 хут асăрхаттарнă. Вăл тÿрĕ çул çине тăма шутламаннине пула, район сучĕ айăплакана колони-поселенине яма йышăннă.
П.КОКОРЕВ,
район прокурорĕн çумĕ.