08 февраля 2017 г.
Патреккелĕнчи шкулта кĕçĕн классен эрни иртнĕ.
Шкулта пĕчĕккисен тавракурăмне, активлăхне ÿстерес, пултарулăхне аталантарма пулăшас тĕллевпе «Çулталăк вĕренекенĕ-2017» конкурс йĕркеленĕ. «Чи ăсли» ята çĕнсе илессишĕн 15 вĕренекен тупăшнă. Малтанах ачасем хăйсен пĕлÿ шайне кăтартса тĕрлĕ ыйтусем çине хуравланă. Тĕрĕс хуравсем хыççăн тăххăрăшĕ çурма финала, виççĕшĕ финала тухнă. «Чи ăсли», «Çулталăк вĕренекенĕ» ята 4 класра вĕренекен Алексей Петров çĕнсе илнĕ. Иккĕмĕшпе виççĕмĕш вырăнсене Регина Красновăпа Юлия Скворцова пайланă. Çĕнтерÿçĕсем грамотăсемпе призсене тивĕçнĕ.