04 февраля 2017 г.
2017 çул çĕр çинчи чылай çĕршывшăн Пĕтĕм тĕнчери çамрăксемпе студентсен XIX фестивалĕпе асра юлĕ.
Ăна ирттерме палăртнă кунсем /юпа уйăхĕн 15-22-мĕшĕсем/ çитиччен вăхăт самаях пулин те регионта хатĕрленÿ ĕçĕсем пуçланнă.
И.Н.Ульянов ячĕллĕ Чăваш патшалăх университетĕнчи Алексей Кокель ячĕллĕ ÿнер музейĕнче фестивале халалласа «çавра сĕтел» иртнĕ. Унта тĕнче шайĕнчи мероприятие Чăваш Енрен хутшăнма палăртнă хастарсен ушкăнĕ, маларах иртнĕ фестивальсенче пулса курнă ентешсем пухăннă. «Çавра сĕтеле» Чăваш Республикин Пуçлăхĕ Михаил Игнатьев, РФ Патшалăх Думин депутачĕ Алена Аршинова хутшăннă.
Михаил Игнатьев тĕнчери халăхсен хутшăнăвĕсем кăткăсланнă вăхăтра иртекен Пĕтĕм тĕнчери çамрăксемпе студентсен фестивалĕн пĕлтерĕшĕ уйрăмах пысăккине палăртнă.