04 февраля 2017 г.
РФ Правительстви йышăннă тăрăх - ялхуçалăхне аталантарма Чăваш Ен валли 478 млн тенкĕ укçа уйăрнă.
Унпа АПК объекчĕсем тума тата тĕпрен юсама, унсăр пуçне инвестици кредичĕсен процент ставкин пĕр пайне тÿлеме каякан тăкака саплаштарма усă кураççĕ.
Тĕслĕхрен, 71 млн тенке федераци бюджечĕ ялхуçалăхне атлантармалли тата чĕртаварпа апат-çимĕç рынокне йĕркелемелли патшалăх программипе килĕшÿллĕн техника тата ытти хатĕр туянма, агропромышленноç объекчĕсем тăвассипе, çĕнетессипе çыхăннă тăкаксене финанслама парать.
Палăртмалла, ку енĕпе Раççей Ялхуçалăх министерстви Чăваш Енри виçĕ проекта суйласа илнĕ: «Ольдеевская» агрофирмăра 2,2 га çинче теплица тума тытăнмалла, Красноармейски районĕнчи «Красное Сормово» пĕрлешÿре 400 ĕне вырнаçмалăх сĕт-çу ферми хута каймалла, С.Халитова хресчен /фермер/ хуçалăхĕнче 1000 пуç выльăх усрамалăх качака фермин строительстви пуçланмалла.