28 января 2017 г.
Январĕн 28-мĕшĕнчен пуçласа февралĕн 28-мĕшĕччен Чăваш Енре, çавăн пекех пирĕн районта та «Снегоход» профилактика операци-уйăхлăхĕ пырать.
Унăн тĕп тĕллевĕ - снегоходсемпе юр çийĕн çÿрекен ытти мотохатĕрсемпе усă курнă чухне право йĕркисене пăсассине чарса лартасси, çынсен пурнăç тата сывлăх хăрушсăрлăхне тивĕçтересси, çутçанталăка сыхласси. Операци-уйăхлăха ирттерме техника асăрхавĕн, çулçÿрев хăрушсăрлăхĕн патшалăх инспекцийĕн, çутçанталăк сыхлавĕн, МЧС органĕсен специалисчĕсенчен ĕçлĕ ушкăн йĕркеленĕ.
Районта паянхи кун тĕлне уйрăм çынсемпе организацисенче 5 снегоходпа 3 снегоболотоход шутланса тăрать. Патшалăх енчен регистрацилемен, çулсерен патшалăх техника асăрхавĕ витĕр кăларман мотохатĕрсемпе усă курма юрамасть. Çавăн пекех снегоходпа çÿремешкĕн тракторист-машинистăн «А1» категорири удостоверени кирлĕ.
Снегоходсемпе юр çийĕн çÿрекен ытти мотохатĕрсене патшалăх енчен регистрацилеме машинăн паспортне, регистрацилени çинчен свидетельство /енчен те маларах учетра тăнă пулсан/, суту-илÿ килĕшĕвне, пару-илÿ актне тăратмалла.
Патшалăх техника асăрхавĕ витĕр кăларнă чухне снегоход çинче огнетушитель, медицина аптечки, водитель валли мотошлем, регистраци докуменчĕ, тракторист-машинистăн «А1» категорири удостоверени пулнине шута илеççĕ.
А.СОЛОВЬЕВ,
патшалăх техника асăрхавĕн районти инспекцийĕн ертÿçи.