25 января 2017 г.
Иртнĕ тунтикун район администрацийĕн пуçлăхĕн пĕрремĕш çумĕ Леонард Левый район администрацийĕн структура подразделенийĕсен, районти предприятисемпе организацисен ертÿçисемпе, ял тăрăхĕсен пуçлăхĕсемпе ирттернĕ канашлура Чăваш Ен Пуçлăхĕ Михаил Игнатьев Чăваш Республикин Патшалăх Канашне, чăваш халăхне янă Çырăвĕнче палăртнă ĕçсене пурнăçа кĕртессипе тăрăшма кирлине палăртнă.
Ял çыннин халĕ ял тăрăхĕн хăтлăхне ÿстерме май пур. Район администрацийĕн пуçлăхĕн çумĕ Галина Анисимова пĕлтернĕ май, кашни ял тăрăхĕ конкурса хутшăнма, грант çĕнсе илме пултарать. Кунта пуçлăхсен пуçарулăхĕ, ял çыннисен пултарулăхĕ çеç кирлĕ.
Канашлура патшалăх тата муниципалитет пулăшăвĕсен нумай функциллĕ центрĕн ертÿçи Людмила Викторова, халăха социаллă пулăшу паракан пайĕн ертÿçи Ирина Аникина та тухса калаçрĕç. Вĕсен материалĕсем хаçатăн çитес номерĕсенче кун çути курĕç.