25 января 2017 г.
Елчĕк районĕ 90 çул тултарас умĕн районти тĕп библиотека тĕрлĕ мероприяти йĕркелесе ирттерме палăртнă.
Район çыннисем çак тапхăрта çăмăл мар çулпа утнă: коллективизаци, Аттелĕхĕн Аслă вăрçи, вăрçă хыççăнхи йывăр çулсем, перестройка... Кашни çыннăн чĕринче пĕчĕк Тăван çĕршывăн шăпи, историйĕ, кун-çулĕ. Ахальтен мар пирĕн район паттăр та пултаруллă, ырă йăла-йĕркене упракан, сăпайлă та ăшпиллĕ ... çынсемпе пуян. Районăн сумлă юбилейне тĕп библиотека «Елчĕк ен – ман шăпа. Я и Яльчикский район» алçырăвĕсен альбомне хатĕрлет. Çавăнпа та тава тивĕçлĕ ĕçченсен, ĕç династийĕсен, предприятисемпе учрежденисен çитĕнĕвĕсемпе паллаштаракан информацисем пуçтарать. Ырă та сăваплă ĕçе районта, ун тулашĕнче пурăнакан кашни çын хутшăнма пултарать.