14 января 2017 г.
Роспотребнадзорăн Чăваш Республикинчи управленийĕн ертÿçи Надежда Луговская январĕн 19-мĕшĕнче Раççей Федерацийĕн Президенчĕн Чăваш Республикинчи йышăну пÿлĕмĕнче граждансене хăйсен ыйтăвĕсемпе йышăнать.
13-15 сехетсенче граждансем, юридика сăпатĕнчи çынсем санитарипе эпидемиологи тăнăçлăхĕ, потребительсен прависене хÿтĕлес енĕпе Раççей Федерацийĕн саккунĕсене мĕнле пурнăçласа пынипе çыхăннă ыйтусем, сĕнÿсем, асăрхаттарусем пама пултараççĕ. Йышăну Шупашкарти Ленинград урамĕнчи 36-мĕш çуртри нумай функциллĕ центрта иртет. Маларах çак телефонсемпе çырăнма пулать: /8352/ 62-22-33, 62-22-55, 58-17-13.