11 января 2017 г.
Чăваш Республикин Пуçлăхĕ Михаил Игнатьев Патшалăх Канашне яракан Çырăва хатĕрлеме пуçăннă. Унта правительствăн, Патшалăх Канашĕн, вырăнти хăйтытăмлăх органĕсен, предприятисемпе организацисен ĕçĕ-хĕлне хаклаççĕ, малашлăх тĕллевсене палăртаççĕ.
Çырăва хатĕрленĕ чухне уйрăм çынсен, общество организацийĕсен, граждан обществин ытти институчĕсен шухăшĕсене шута илеççĕ.
Çынсен пурнăç пахалăхне лайăхлатас тесен чи малтанах мĕн тумалла? Чăваш Ен Пуçлăхĕ мĕнле темăсем çине ытларах тимлĕх уйăрмалла? Эсир 2017 çулхи Çырăва мĕн кĕртесшĕн? Сирĕн шухăшăрпа, республикăра пурăнакансен пурнăçне мĕн лайăхлатĕ?
Сĕнÿсене Чăваш Республики, Шупашкар хули, Президент бульварĕ, 10-мĕш çурт адреспа «Çырăва хатĕрлеме» паллă тунă е e-mail, pres5@cap.ru; analit2@cap.ru электрон почтипе йышăнаççĕ.