11 января 2017 г.
Валерий Изратов уйрăм предпринимателĕн «Водолей» лавкки тата автосервисĕ 2016 çулхи Ĕç çыннин çулталăкĕнче иртнĕ «Елчĕк районĕнчи Çĕнĕ çул çутисем» конкурсра икĕ номинацире пĕрремĕш тата иккĕмĕш вырăнсене йышăннă.
Октябрь урамĕнче пурăнакансемпе иртен-çÿрекенсем пурте çакна тĕрĕс хаклав тесе йышăнаççĕ. Кунта тĕрлĕ тĕспе çиçекен, вăй вылякан çутăсем вырнаçтарнă. Тĕрлĕ кÿлепесене теветкеллĕ Валерий Васильевич çынна тытса мар, хăй аллипе ăсталанă. Çĕнĕ çул тата Раштав уявĕсенчи вăрăм канмалли кунсенче çынсем вĕсене курма кунта ятарласа килсе çÿрерĕç, вĕсен çывăхĕнче асăнмалăх-савăнмалăх сăнÿкер-чĕксем турĕç.
Сăнÿкерчĕкре: пуçаруллă та пултаруллă Изратовсем - Валерий Васильевич тата Нина Николаевна.
С.АНАТОЛЬЕВА.