28 декабря 2016 г.
Шкулсенче вĕренекенсене професси суйласа илме пулăшас, техника специальноçĕсем çинчен тĕплĕнрех ăнлантарса парас тата Чăваш Енри ĕç рынокне палăртас тĕллевпе республика шайĕнче сахал мар мероприяти йĕркелесе ирттереççĕ.
Чăваш Республикинчи Ĕçлев тата социаллă хÿтлĕх министерстви хутшăннипе республикăри кашни хулапа районта кĕркунне иртнĕ волонтер-профориентаторсен «Професси суйласа ил» акцийĕ те кирлĕ шайра иртнĕ. Çак тапхăрта пирĕн районти педагогика ĕçченĕсемпе библиотекарьсем, ялхуçалăх ĕçченĕсемпе ĕç паракансем шкулсенче вĕренекенсемпе тĕл пулнă. Пуриншĕн те тĕслĕх пулса тăракан тĕрлĕ професси çыннисем çинчен каласа кăтартнă, ĕç династийĕсемпе паллаштарнă.