24 декабря 2016 г.
Çĕнĕ çулхи уявсем умĕн суд приставĕсем парăмсене шыраса илме, «Мобильлĕ шырав» приложенипе усă курса рейдсене активлă ирттерме пуçларĕç.
Кунта парăмçăн лицевой счечĕсенчен укçа-тенке шутран кăлараççĕ, пурлăхне арестлеççĕ е тытса илсе ирĕксĕрлесе сутаççĕ.
6 производство ĕçĕпе парăмçăсене çĕршывран тухса кайма вăхăтлăха чарнă. Унсăр пуçне ятарлă правăна - автотранспорт хатĕрĕсемпе тата хăй тĕллĕн çÿрекен машинăсемпе çÿремелли удостоверенисене вăхăтлăха илнĕ.
Суд приставĕсен районти пайĕ аса илтерет: Çĕнĕ çул уявĕсем çывхарнă май, сирĕн савăнăçа суд приставĕсем киле килни, укçа-тенке шутран кăларни çинчен СМС-хыпарсем тата ытти хистевлĕ мерăсем ан пулччăр.
Парăмсем çинчен Федерацин суд приставĕсен службин Чăваш Республикинчи управленийĕн сайтĕнчи «Банк данных исполнительных производств» баннерта пĕлме пулать. Парăмсене перекет банкĕн терминалĕсенче, почта çыхăнăвĕн уйрăмĕсенче, Елчĕк ялĕ, Иванов урамĕ, 11-мĕш çурт адреспа вырнаçнă çуд приставĕсен районти пайĕнче тÿлеме май пур.
Çавăн пекех хăвăра кăсăклантаракан ыйтусемпе «ФССП» приложенине телефон çине тÿлевсĕр вырнаçтарма, çырăнса илсе хăвăрăн е çывăх тăванăрсен парăмĕсем çинчен пĕлме пултаратăр.
Кăçалхи декабрĕн 1-31-мĕшĕсенче «Çĕнĕ çула парăмсăр» акци иртет. Çак вăхăтра парăм çинчен пĕлме, вăл пулсан ăна тÿлесе татма ыйтатпăр.
В.КАЗАКОВ,
суд приставĕсен районти пайĕн ертÿçи.