10 декабря 2016 г.
/Раштав уйăхĕ/
9. Çак кун 1769 çулта II Кĕтерне патша çарти чи пысăк наградăна - Таса Георгий орденне çирĕплетнĕ. Георгий ленти вара тĕрлĕ тапхăрти паттăрсене пĕрле çыхăнтарать. Хĕллехи кун Георгий Çĕнтерÿçĕ уявĕнче эпир Совет Союзĕн, Раççей Паттăрĕсене, Мухтав орденĕн тата Таса Георгий орденĕн кавалерĕсене чыслатпăр.
10. 1877 çулта çак кун вырăссен çарĕ Болгарири Плевна крепоçне илнĕ. Вырăссемпе турккăсем хушшинчи вăрçăн шăпине татса панă çапăçура эпир 192, турккăсем 6000 яхăн салтакне çухатнă. Вĕсен 44000 салтакĕ тыткăна лекнĕ. Пăлхарсем çак çапăçу асра юлассине пĕлтернĕ.
17. 1778 çулта вырăссен çарĕ Григорий Александрович Потемкин кнеç ертсе пынипе Хура тинĕсе Днепр шывĕ юхса кĕнĕ вырăнта вырнаçнă турккăсен Очаков крепоçне тытса илнĕ.
23. 1914 çулта II Николай император указĕпе Çар Канашĕн «Илья Муромец» самолетсен пĕрремĕш эскадрилйине йĕркелени çинчен йышăнăвне çирĕплетнĕ. Çак кунран Раççейре, çавăн пекех тĕнчере инçет ?стратеги/ çар авиацийĕ вăй илнĕ.
24. 1790 çулта вырăссен çарĕ Александр Васильевич Суворов ертсе пынипе турккăсен Измаил крепоçне тытса илнĕ. Гарнизонтан пĕр çын кăна тухса тарма пултарнă. Вырăссен трофейĕ - турккăсен 400 ялавĕ.
28. Çак кун 1877 çулта вырăссем Шипка ту каççинчи Шейнево патĕнче Турцин çарне çапса салатнă.