03 декабря 2016 г.
Аслă Елчĕк ялĕнче çуралса ÿснĕ 85 çулхи хисеплĕ ентешĕмĕр - медицина наукисен докторĕ, 250 ытла ăслăлăх ĕçĕн авторĕ Анатолий Никандрович Волков илемлĕ сăмахлăх лаççинче те пысăк утăмсем тăвать.
Нумаях пулмасть унăн «Хирург телейĕ» ятпа черетлĕ кĕнеки пичетленсе тухнă. Кĕнекен пирвайхи хаклавĕ çак кунсенче тăван ялти Г.Н.Волков ячĕллĕ пĕтĕмĕшле пĕлÿ паракан вăтам шкулта пулса иртнĕ. Унта автор тĕп сăнарăн - хирургăн пурнăçĕпе ĕçĕ-хĕлне витĕмлĕн çутатса панă. Унăн кăмăл-сипечĕ, тыткаларăшĕ, пуплевĕ çитĕнекен ăрушăн ырă тĕслĕх вырăнĕнчех, çамрăксене малашлăх çулĕ çинче тĕрĕс утăмсем тума хистет.
Кĕнекене хаклама авторăн çывăх юлташĕ Владимир Иванов профессор, тăванĕ - Анатолий Молоствов тухтăр, шкул директорĕ Николай Малышкин, Любовь Адюковăпа Надежда Хушкина вĕрентекенсем хутшăннă.