03 декабря 2016 г.
Иртнĕ эрнере - Аннесен уявĕ умĕн «Çулталăкри çемье - 2016» республикăри конкурс иртнĕ.
Елчĕк район чысне республика шайĕнче хÿтĕлеме ирĕк çĕнсе илнĕ Шăмалакри Львовсен çемйи «Ĕçчен çемье» номинацире çĕнтерÿçĕ пулса тăнă. Чăваш Республикин Патшалăх Канашĕн социаллă политика тата наци ыйтăвĕсемпе ĕçлекен комитет председателĕ В.Рафинов конкурсра çĕнтернĕ çемьене парнепе чысланă тата номинант ята тивĕçнине çирĕплетекен диплома парса чыс тунă.
Сăмах май, «Çулталăкри çемье - 2016» конкурса пурĕ 132 çемье хутшăннă, чи лайăххисен шутне 28 çемьене суйласа илнĕ.