30 ноября 2016 г.
Çирĕклĕ Шăхаль ялĕнчи Кÿлхĕрри урамран пуçласа Лавкка урамĕ таран хытарнă çул сарас ĕç хĕл кунĕсем çывхаричченех кал-кал пулса пычĕ.
Палăртнă объектра хальхи вăхăтра та ĕç шавĕ пĕрре те чарăнмасть. Çĕрпÿ районĕнчи «Воддорстрой» çул-йĕр организацийĕн ĕçченĕсем бетонран шыв юххисем турĕç, çул хĕррисене йĕркене кĕртрĕç, çитес кунсенчех çул-йĕр паллисене вырнаçтараççĕ.
Сăнÿкерчĕкре: Павел Морозов. Вăл нумай çул çул-йĕр хуçалăхĕнче водительте тăрăшать, шанăçа тивĕçлипе тÿрре кăларать.