30 ноября 2016 г.
Республикăра «Пĕрле пулсан - ăшăрах» акци ирттерме йышăннă. Вăл декабрĕн 25-мĕшĕччен тăсăлать.
Унăн тĕллевĕ - тимлĕхе çухатман çынсенчен хăйсен ялĕсенчи коммуникаци тытăмĕ тивĕçтермелле шайра пулманни пирки пĕлтерме ыйтни. Çак тĕслĕхсене уçăмлăн палăртас тесен ăшă çухалакан вырăнсенче селфи тумалла е ÿкерсе илмелле. Республикăра пурăнакан çынсем хăйсен куçĕпе мĕн курнине фотофактсемпе çирĕплетсе пани Чăваш Республикинчи строительство, архитектура тата пурăнмалли çурт-йĕрпе коммуналлă хуçалăх министерствине коммуналлă инфраструктурăна çĕнетсе улăштарнă чухне инвестици программисене йышăнма, унсăр пуçне, коммуникаци тытăмĕшĕн яваплă çынсене кирлĕ сĕнÿсемпе пулăшма май парĕ.
Акцие хастар хутшăнакансене министерство енчен хавхалантарма та палăртнă.