26 ноября 2016 г.
Çĕнĕ Пăвари почта çыхăну уйрăмĕнче кашни кун çын йышлă. Надежда Краснова начальник клиентсене яланах çепĕç кăмăлпа йышăнать.
Надежда Кукурузовăпа Луиза Чугунова почтальонкăсем вара - пуриншĕн те кĕтнĕ çынсем. Вĕсем подписчиксем патне хаçатсене, пенсисемпе компенсаци укçисене вăхăтра çитерес тесе ăнтăлаççĕ. Хальхи вăхăтра иккĕшĕ 186 экземпляр «Елчĕк ен» хаçат валеçеççĕ. Çитес çулхи пĕрремĕш çур çулта та хаçат вулакансен йышĕ ан чактăр тесе маттур почтальонкăсем кашни çынпа тĕл пулса калаçма тăрăшаççĕ.
Сăнÿкерчĕкре: Н.Кукурузовăпа Л.Чугунова.