26 ноября 2016 г.
Чăваш Республикин Ĕçлев тата социаллă хÿтлĕх министерстви ĕç сыхлавĕн специалисчĕсен пĕлĕвне ÿстерессипе малалла ĕçлет.
Кăçалхи 10 уйăхра 8291 çынна, çав шутра пĕчĕк бизнесра тăрăшакан 2827 çынна ĕç сыхлавĕ енĕпе вĕрентнĕ. Ĕç сыхлавĕ енĕпе продукци ĕçлесе хатĕрлекен производствăра /2045 çын/, курттăм тата вак суту-илÿре /1075 çын/, строительствăра /1059 çын/ ĕçлекенсем хăйсен пĕлĕвне ÿстернĕ. Çавăн пекех 784 ертÿçĕ тата вĕсен çумĕсем, ĕç сыхлавĕ енĕпе ĕçлекен 558 специалист та тавракурăма анлăлатнă.