19 ноября 2016 г.
Курнавăшри почта çыхăну уйрăмне тăваттăмĕш çул Надежда Мартышкина ăнăçлă ертсе пырать. Кунти почтальонкăсем хăйсен ĕçне юратса пурнăçлаççĕ. Почтальонкăсенчен чи асли, опытли - Нина Алексеева. Вăл 28 çул хаçат-журнал валеçет, ватăсене пенсипе вăхăтлă тивĕçтерет. Светлана Фомина почтальонка вара Çуткÿл çыннисен кĕтнĕ тусĕ. Вăл ватăпа ватă пек, çамрăкпа çамрăкла калаçма ăста. Людмила Иванова Вырăскасси ялĕнчи почтальона тăтăшах пулăшу аллине тăсать. Районти Госстрахра ĕçлекен Надежда Мамуткинăпа Ольга Иванова кашни çулах «Елчĕк ен» хаçата çырăнса илеççĕ, юратса вулаççĕ.
Сăнÿкерчĕкре: С.Фомина, Н.Мамуткина, О.Иванова, Л.Иванова, Н.Алексеева, Н.Мартышкина.