19 ноября 2016 г.
Пирĕнтен кашнин кун-çулĕнчех ĕç пĕлтерĕшлĕ вырăн тата вăхăт йышăнать, тупăш виçипе тивĕçтерет тата çĕнелсе улшăнма, ăсталăха пуянлатма, ĕмĕт-тĕллеве пурнăçа кĕртме май парать.
Çĕнĕ çитĕнÿ тăвас, карьера картлашкипе çÿлелле хăпарас тĕллевпе малашлăх ăнтăлăвĕн çул-йĕрне палăртнă май хăш-пĕр чухне ĕç вырăнне те улăштарма тивет. Çакнашкал самантра «Раççейри ĕç» портал сирĕн шанчăклă пулăшаканăр шутланать: вăл çĕршыв хулисенче вакансисене ăнăçлă шырама май парать. Асăннă сервиспа усă курса кирек хăш отрасльте те вырăн тупас шанăç пысăкланать.
Вакансисен тулли порталне ирĕклĕн кĕрессине тивĕçтерсе портал хăвăр ĕмĕтленекен ĕçе вырнаçас меле ÿстерет. Промышленноçăн тата производствăн пысăк компанийĕсен, уйрăм çын фирмин тата бизнесăн тĕрлĕ тытăмĕн пайталлă пин-пин сĕнĕвне «Раççейри ĕç» порталта вырнаçтарнă.
Вĕреннине, ĕç стажне тата специализацие пăхмасăр хăвăра юрăхлă ваканси тĕлне пулатăрах.
Сире тивĕçлĕ шалуллă ĕç кĕтет, вакансисен базине сирĕншĕнех кунсерен çĕнетеççĕ. Ĕçпе тивĕçтерекенсен ырă та пĕлтерĕшлĕ сĕнĕвĕсем, Раççейри пысăк компанисем çинчен контактлă çыхăнăва, адреса тата телефон номерĕсене уйрăммăн палăртса пĕлтернĕ информаци кăмăла кайнă ваканси пирки тĕплĕнрех ыйтса пĕлмешкĕн пулăшĕ. Портал тĕллевĕ - ĕç шырассине аталантарасси тата çак утăма сирĕншĕн эффективлăрах, васкавлăрах тăвасси, лăпкăлăхăра упрасси.
«Раççейри ĕç» портал - ăнăçлă карьера тума май паракан ĕçе вырнаçмалли, чуна çывăх професси суйламалли сирĕн сайтăр, унпа туслашăр, тухăçлă усă курăр.