16 ноября 2016 г.
Саккунпа килĕшÿллĕн патшалăхăн шутланман пенси фондне реорганизацилесе тепринпе пĕрлештерме е уйăрма пултараççĕ. Кун пек чухне граждансен реорганизациленĕ фондсенче упранакан пенси укçине унпа пĕрлешнине куçарса параççĕ. Çакăн çинчен фондсем хăйсен клиенчĕсене çĕнетсе улăштарассипе çыхăннă пулăм хыççăн 30 ĕç кунĕ иртичченех пĕлтермелле.
Енчен те çын хăйĕн укçи-тенкине патшалăхăн шутланман тепĕр фонда шанса пама килĕшмесен çав вăхăт çитичченех Раççей Пенси фондне е патшалăхăн шутланман кирек хăш фонда куçарма ыйтса заявлени çырать. Çапла тумашкăн унăн хăй ăçта пурăннине пăхмасăр РФ Пенси фончĕн кирек хăш управленине е нумай функциллĕ центра каймалла.
Кăçалхи кĕркунне реорганизаци процедурине патшалăхăн шутланман пенси фончĕсенчен виççĕшĕ лекнĕ: «САФМАРпа» «Вĕренÿ тата наука», «Пенсин Европăри фончĕ» тата «РЕГИОНФОНД» пĕрлешнĕ.
Çулталăк вĕçлениччен «ПУЛАСЛĂХА» «Вырăс стандарчĕ» тата «УРАЛСИБ» куçаççĕ.
Пирĕн республикăра пуçаруллă ĕçлекен «КИТ Финанс НПФ», «Эткерлĕх» тата «Промагрофонд» реорганизацие лекнĕ. Çитес çулхи çулла вĕсем «НПФ ГАЗФОНД» пенси валли пухăнакан укçа» тытăмпа пĕрлешмелле.
Патшалăхăн шутланман пенси фончĕсен реорганизацийĕ пирки Раççей Банкĕн, çавăн пекех патшалăхăн шутланман пенси фончĕсен сайчĕсенче туллинрех пĕлме пулать.
З.ЯКОВЛЕВА,
Раççей Пенси фончĕн Елчĕк районĕнчи пайĕн ертÿçи.