09 ноября 2016 г.
Елчĕк районĕн Уставĕпе килĕшÿллĕн район администрацийĕн пуçлăхĕ ялхуçалăх предприятийĕсемпе фермăсен коллективĕсем, уйрăм выльăх-чĕрлĕх пăхакансем ăмăртса ĕçленине пĕтĕмлетсе çапла йышăннă:
1.Ялхуçалăх предприятийĕсем хушшинчи ĕçлĕ ăмăртура «Яманчурино» сахал яваплă юлташлăх çĕнтернĕ, куçса çÿрекен ялавпа диплома тивĕçнĕ. Кунта, иртнĕ çулхи çак вăхăтрипе танлаштарсан, сĕт туса илессине 12 процент ÿстернĕ. Усă куракан 100 гектар çĕр пуçне 24 центнер аш-какай, 372 центнер сĕт туса илнĕ. Пĕр ĕнерен 4100 килограмм сĕт сунă, мăйракаллă шултăра выльăхсене пĕр талăкра 800-шер грамм ÿт хуштарнă.
2. Фермăсен коллективĕсем хушшинчи ăмăртура çĕнтернĕ, дипломсем парса чыс тунă:
«Труд» ялхуçалăх производство кооперативĕнчи Тĕмерти ĕне фермин коллективне. Кунта 9 уйăхра кашни ĕнерен 4577 килограмм сĕт сунă.
«Прогресс» акционерсен хупă обществинчи Патреккелти сысна фермин коллективне. Кунта иртнĕ çулхи çак вăхăтрипе танлаштарсан самăртакан ушкăнри сыснасене пĕр талăкра ытларах ÿт хуштарнă.
3. Выльăх-чĕрлĕх пăхакансем хушшинчи ĕçлĕ ăмăртура çĕнтернĕ ĕçченсене Елчĕк район администрацийĕн Хисеп грамотисене парса чысланă:
Алена Анатольевна САВЕЛЬЕВĂНА, «Эмметево» сахал яваплă юлташлăхри ĕне сăвакан оператора. Вăл кашни ĕнерен 5466 килограмм сĕт сунă.
Елена Васильевна КРАСНОВĂНА, «Эмметево» сахал яваплă юлташлăхри пăру пăхакан оператора. Вăл пăхакан пăрусем пĕр талăкра вăтамран 890-шар грамм ÿт хушнă.
Надежда Николаевна ВАСИЛЬЕВĂНА, «Комбайн» ялхуçалăх производство кооперативĕнчи мăйракаллă шултăра выльăх самăртакан оператора. Вăл хăйне çирĕплетсе панă мăйракаллă шултăра выльăхсене пĕр талăкра вăтамран 1000-шер грамм ÿт хуштарнă.
Ирина Владимировна ПАВЛОВĂНА, «Прогресс» акционерсен хупă обществинчи сысна самăртакан оператора. Вăл пăхакан самăртма хупнă ушкăнри сыснасем пĕр талăкра вăтамран 751-шер грамм ÿт хушнă.
Феодосия Семеновна КРАСИЛЬНИКОВĂНА, «Рассвет» ялхуçалăх производство кооперативри сысна çăвăрлаттаракан уйрăмри оператора. Вăл хăйне çирĕплетсе панă кашни тĕп амаран 20,6 çура илнĕ.