29 октября 2016 г.
Терроризма хирĕç кĕрешесси Раççей хăрушсăрлăхĕн наци политикин тĕп тĕллевĕсенчен пĕри пулса тăрать.
Терроризма хирĕç кĕрешессинче патшалăхăн шалти тата тулашри мерăсене палăртмалла.
Патшалăхăн шалти мерăсен йышне çаксем кĕреççĕ:
- терроризмпа кĕрешессинче регионсем пĕр-пĕринпе тачă çыхăнса ĕçлесси;
- асăннă сферăра пысăк профессиллĕ кадрсем хатĕрлессине тата ятарлă подразделенисем йĕркелессине аталантарасси;
- хĕç-пăшал тата сирпĕнекен хатĕрсем туса кăларассине, вĕсен çаврăнăшне, усă курассине çирĕп тĕрĕслесе тăрасси;
- право сыхлавĕн органĕсене кирлĕ техника хатĕрĕсемпе ытларах тивĕçтересси;
- террористсене укçа-тенкĕпе тивĕçтерессин çулне пÿлесси.
Пирĕн çĕршыв терроризма хирĕç тăнă чухне ытти ют çĕршывсемпе тачă çыхăну тытасси те паллă вырăнта пулмалла. Кунта уйрăмах çак çул-йĕр тĕп вырăн йышăнмалла:
- пĕр-пĕр патшалăх ытти çĕршывсен территорийĕсенче терактсем тăвассинчен тытăнса тăмалла;
- наци правин положенийĕсемпе килĕшÿллĕн теракт тунă çынсене тытса чармалла та судпа айăпламалла, е вĕсене тавăрса памалла;
- террора хирĕçле саккунсем хатĕрлеме тата йышăнма активлă хутшăнмалла;
- пĕр-пĕрне юридика пулăшăвĕ памалла.
Раççейре терроризма хирĕçлес тĕлĕшпе пĕрлехи тытăм йĕркеленĕ. Вăл малашне те хăйĕн ĕç-хĕлне тивĕçлипе туса пырĕ.
М.ГАЛАЧИЕВА.
/Интернетран/.