26 октября 2016 г.
Районта пурăнакансем Çеçпĕл Мишши ячĕллĕ Чăваш патшалăх Çамрăксен театрĕн артисчĕсене кашни хутĕнче хапăл туса кĕтсе илеççĕ.
Хальхинче вĕсем Елчĕкри культурăпа кану центрĕн сцени çинчен пĕр кунра икĕ спектакль кăтартнă. Кăнтăрла 12 сехетре ачасем музыкăлла юмах курса савăннă. Каçхине артистсем аслă ÿсĕмри çынсем валли кану саманчĕ йĕркеленĕ. Хальхинче Елчĕксем «Кая юлнă юрату» трагикомеди курнă.
Тĕп рольсене эпир пурте лайăх пĕлекен артистсем - Василий Павлов, Венера Пайгильдина, Леонид Яргейкин, Николай Тарасов, Акбаш Павлова вылянă.