22 октября 2016 г.
«Эмметево» ОООра выльăх-чĕрлĕх отрасльне малалла аталантарасси çине пысăк тимлĕх уйăраççĕ.
Инвестици проекчĕпе усă курса тăватă çул каялла пĕр харăсах икĕ объектра - 180 ĕне вырнаçмалли тата пăрулаттаракан уйрăмри витесенче пысăк реконструкци ĕçĕсене пурнăçлама, вĕсене çĕнĕ условисенче ĕçлеме хатĕрлесе çитерме пултарнă. Нумаях пулмасть Кармалта пысăк ĕне ферми комплексĕ пулнă вырăнта 400 ĕне выльăх вырнаçмалли çĕнĕ ĕне ферми тума тытăннă. Хуçалăх дирекцийĕ яваплă ĕçе пурнăçлама Шупашкарти «Лидер» ООО строительство организацийĕпе килĕшÿ çирĕплетнĕ.
- Чи кирли - çĕр шăниччен пулас витен никĕсне хывса хăварма ĕлкĕресси. Çăмăл конструкципе усă курса тăвакан объектри ытти ĕçсене хĕллехи вăхăтра пурнăçлама палăртнă, - тет хуçалăх директорĕ Юрий Лапшин.
Андрей Лапшин ертсе пыракан строительсен ушкăнĕнче пурте - çамрăксем. Алексей Захаров, Дмитрий Захаров, Денис Захаров, Давид Захаров, Артур Николаев, Петр Мясников, Николай Лапшин тата Николай Захаров хăйсене шанса панă яваплă ĕçе тивĕçлипе тÿрре кăлараççĕ.
С.АНАТОЛЬЕВА.