15 октября 2016 г.
Чăваш Наци библиотекинче Кушкăра çуралса ÿснĕ, Чăваш Республикин Художникĕсен союзĕн членĕн Владимир Галошевăн «Шупашкарти палăксем» видеофильмне хакланă. Владимир Петрович чылайранпа ĕнтĕ киноискусство ани çинче ĕçлет. Унăн чăваш мифологине тĕпе хурса тунă анимациллĕ кĕске фильмĕсене Чăваш наци телевиденийĕ те кăтартать. Хальхинче республикăри режиссерсемпе композиторсем, скульпторсемпе общество хастарĕсем, вĕренекенсем Владимир Галошевăн çĕнĕ ĕçне тĕплĕн сÿтсе явнă.
Фильма автор пирĕн республикăра кăна мар, ун тулашĕнче те паллă композитор Николай Карлин музыкипе илемлетнĕ.
«Шупашкар палăкĕсем» видеофильм анлă та питĕ пĕлтерĕшлĕ ĕç. Кунта тĕп хулари пур палăк та сăнланнă.
З.ЯКОВЛЕВА.