12 октября 2016 г.
Çумăрлă çанталăка пула кĕркуннехи уй-хирти ĕçсене пурнăçлама самай чăрмавлă пулчĕ пулин те «Комбайн» ялхуçалăх производство кооперативĕнче авăн уйăхĕ вĕçленнĕ тĕле пĕтĕм ĕçе вĕçленĕ.
Тĕш тырă культурисене анчах мар, выльăх апачлĕх культурăсене те кĕске вăхăтра тата пысăк пахалăхпа пухса кĕртнĕ. Пурĕ 756 тонна утă, 5900 тонна сенаж хатĕрленĕ. Ялхуçалăх предприятийĕнче куккурус та тухăçлă çитĕннĕ. 126 гектар çинчен пурĕ 1200 тонна силос хывнă. «Уй-хир пикине» пухса кĕртнĕ çĕрте Гавриил Жирнов, Александр Никифоров, Станислав Елисеев, Владислав Изратов, Николай Васильев, Владимир Васильев, Леонид Головин, Василий Сусметов механизаторсем пысăк пуçарулăх кăтартнă.