24 сентября 2016 г.
Пĕтĕм тĕнчери Ваттисен кунĕ - юпа уйăхĕн 1-мĕшĕнче Елчĕкри тĕп больницăра Уçă алăксен кунĕ иртет.
Çапла майпа аслă ÿсĕмри çынсем ирхине 8 сехетрен пуçласа 13 сехетчен тухтăрпа тĕл пулма, хăйсен сывлăхне тĕрĕслеттерме пултараççĕ. Кирлĕ пулсан, специалистсем ватăсене сипленме тата хушма тĕрĕслевсем ирттерме черетсĕр йышăнаççĕ. Унсăр пуçне, поликлиникăри 13-мĕш пÿлĕмре «Сывлăх шкулĕ» заняти иртет. Унта сывлăхшăн усăллă, тĕрĕс апатланма вĕрентеççĕ, ватлăх çулĕсенче те пурнăçри хастарлăха сыхласа хăварас тĕллевпе куллен пурнăçласа пымалли йĕркене хăнăхтараççĕ.