24 сентября 2016 г.
килĕштерсе пурнăçăн пĕр сукмакĕпе утаççĕ Мучар ялĕнчи Анатолий Яковлевичпа Клавдия Алексеевна Савельевсем.
Паллă кун ячĕпе хисеплĕ те сумлă мăшăра Çирĕклĕ Шăхаль ял тăрăхĕн пуçлăхĕ Л.Кошкин, культура ĕçченĕсем саламланă, парне парса хавхалантарнă.
Анатолий Яковлевич 85 çулпа пырать. Унăн ĕç стажĕ 45 çул. Тĕрлĕ çĕрте ĕçлесе ял çинче хисепе тивĕç пулчĕ. Салтакран таврăннă каччă «Красный воин», «Звезда» колхозсенче кладовщик пулса ĕçлеме тытăннă. Унтан Сельхозтехникăра кадрсен пайĕн инспекторĕнче, «Знамя» колхозра экономистра тăрăшнă. Пĕр вăхăтрах колхозри профсоюз комитечĕн председателĕн тивĕçне пурнăçланă. Иккĕмĕш комплекслă бригада бригадирĕнче, Çирĕклĕ Шăхаль ял совечĕн специалистĕнче тăрăшса ĕçленĕ Анатолий Яковлевич. Унăн мăшăрĕ те колхозра ĕçлесе тивĕçлĕ канăва тухнă. Иккĕшĕ те «Ĕç ветеранĕ» ята тивĕçнĕ.
Савельевсем тăватă ача çуратса ÿстерсе пурнăçăн анлă çулĕ çине кăларнă. Ачисем пурте çемьеллĕ.
- Ахаль иртмерĕ ĕмĕр, - теççĕ ватăсем.
О.МУРАВЬЕВА.