21 сентября 2016 г.
Аслă Елчĕк. Раççей Федерацийĕн Патшалăх Думин тата Чăваш Енĕн Патшалăх Канашĕн депутачĕсен суйлавĕ ял тăрăхĕнче активлă иртрĕ. Икĕ суйлав участокĕ ирхине 8 сехетре уçăлчĕç. Тĕрĕссипе, кашни суйлавçă иртерех сасăлама тăрăшрĕ - ял çыннин нихăçан та ĕç пĕтмест. 12 сехет тĕлне суйлавçăсенчен çурри ытла суйлав участокĕсене килчĕ. Суйлавçăсен 94,4 проценчĕ хăйсен суйлав правипе усă курчĕ.
Суйлавăн малтанхи итогĕсем тăрăх, Аслă Елчĕкре сасăлава хутшăнакансен ытларах пайĕ «Единая Россия» политика партишĕн сасăланă. Çавăн пекех пирĕн ентеш - Юрий Алексеевич Попов кандидатуришĕн Аслă Елчĕксен 83,68 проценчĕ сасă панă.
Акчел. Ялти клубра йĕркеленĕ суйлав участокне ял çыннисем сакăр сехет тĕлне йышлăн çитрĕç. Суйлав комиссийĕн председателĕ Петр Кудрявцев сасăлав пуçланнине пĕлтернĕ хыççăн пĕрремĕш регистрациленнĕ Геннадий Крылов бюллетеньсем илчĕ, тивĕçлĕ кандидатсемшĕн сасăларĕ. Суйлава ял çыннисем ушкăнăн-ушкăнăн, ачисемпе, мăнукĕсемпе пуçтарăнчĕç.
Списока кĕртнĕ суйлавçăсенчен 95 проценчĕ хăйĕн гражданла тивĕçне пурнăçларĕ. Суйлава пĕрремĕш хут хутшăннă çамрăксене - Александр Лебедевпа Елена Карсаковăна пĕчĕк парне парса чысларĕç.
Сăнÿкерчĕкре: Аслă Елчĕкри 2408-мĕш суйлав участокĕнчи сасăлав вăхăтĕнче.