17 сентября 2016 г.
2012 çултанпа Чăваш Енре патшалăх тата муниципалитет пулăшăвĕсене парас енĕпе ведомствăсем хушшинчи электрон çыхăнăвĕн тытăмĕ ĕçлет. Унпа усă курса 96 пулăшу илме май пур.
Тытăма республикăри ĕç тăвакан влаçăн 15 органĕ, 26 муниципалитет, 291 ял тăрăхĕ хутшăнать.
Аса илтеретпĕр: 2012 çулхи июнь уйăхĕнчен влаç органĕсене çынсенчен ытти органсенчи пур сведенисене ыйтса илме чарнă. Информацие вĕсем ведомствăсем хушшинчи электрон çыхăнăвĕн тытăмĕ урлă кăна илмелле. Çынсем паспорт, водитель удостоверенине - пурĕ 19 документ - кăна кăтартмалла. Районта кăçалхи 8 уйăхра ведомствăсем хушшинчи электрон çыхăнăвĕн тытăмĕпе усă курса район администрацийĕн, 9 ял тăрăхĕн сотрудникĕсем 716 запрос янă. Вĕсенчен 93 проценчĕ - Росреестртан, 7 проценчĕ - федерацин налук службинчен илмелли сведенисем. Ку енĕпе Елчĕк тата Аслă Пăла Тимеш ял тăрăхĕсен администрацийĕсем ăнăçлă ĕçлеççĕ.