14 сентября 2016 г.
«Чăваш Ен - комфортпа пурăнмалли регион» документ вăл тĕрĕссипе республикăн социаллă пурнăçĕпе экономикине çитес пилĕкçуллăхра аталантармалли план пулса тăрать. Ку программăна республикăра пурăнакан халăхпа тата çынсемпе нумай хутчен тĕл пулнă хыççăн хатĕрленĕ. «Единая Россия» команди хуласемпе ялсене тухса çÿресе 15 пин ытла тĕлпулу ирттернĕ. «Мĕнпурĕ 50 пин ытла çырупа чĕнÿ кĕчĕ. Республикăра пурăнакан çынсен наказĕсене, ыйтăвĕсене тата нушисене шута илсе парти программине хатĕрленĕ», - çапла палăртнă «Единая Россия» партин регионти уйрăмĕн секретарĕ Николай Малов.
Асăннă Программăн тĕп çул-йĕрĕ вăл - çулсене çĕнетсе улăштарасси, медицинăна аталантарасси, çĕнĕ ĕç вырăнĕсем тăвасси. Кун пирки ытларах калаçаççĕ. Апла пулсан çак ыйтусем хĕрсе çитнĕ ĕнтĕ. Вĕсене татса парас пирки «Единая Россия» пысăк вăй хурĕ.
Единороссем çак программăна старт парасса кĕтмеççĕ те. Ĕçĕ кашни кунах пырать.
«Единая Россия» партин пысăк мăнаçлăхĕ - вĕрентÿ сфери. Ача сачĕсем тумалли парти проекчĕ пурнăçланса пĕтнĕ-пĕтменех - çĕршывра чăн малтан - республикăра тепĕр проектпа - шкулсем тăвас тата модернизацилес енĕпе ĕçлеме пикенчĕç. Çитес çулсенчех Чăваш Енре 32 çĕнĕ шкул туса лартĕç. Кун пек тĕслĕхсем медицина аталанăвĕнче те палăрĕç. «Единая Россия» Шупашкарта Ленин проспектĕнче çĕнĕ поликлиника, республикăн тĕрлĕ кĕтесĕнче тата çĕнĕ 100 ФАП уçма палăртать.
Николай Малов пĕлтернĕ тăрăх, программа вĕçне пăнчă лартман. Ăна халăхсен кăмăлне шута илсе тата хушса пырĕç.