10 сентября 2016 г.
Сентябрĕн 13-мĕшĕнче Шупашкарта ял учителĕсен Пĕтĕм Раççейри виççĕмĕш съезчĕ уçăлать.
Раççейри 500 яхăн педагог Чăваш Енре яллă вырăнти вĕренÿ тытăмне аталантарас малашлăха сÿтсе явма пухăнаççĕ.
Ĕç опычĕпе паллашма 5 дискусси площадки йĕркеленĕ. Унта преподавательсем ялти вĕренÿ тытăмне лайăхлатас, ялсемпе хуласенчи ачасен вĕренÿ мелĕсене пĕрпеклетес, ял шкулĕсене Раççейри шкул ачисен юхăмĕпе çыхăнтарас, ял шкулĕсен условийĕсенче дистанци вĕренĕвне йĕркелес тата Раççейри ял шкулĕсенчи учительсене социаллă пулăшу парас ыйтусене пăхса тухаççĕ.
Пленарлă канашлура Раççей Федерацийĕн вĕренÿ тата наука министрĕ О.Ю.Васильева, Раççей Федерацийĕн Атăлçи федераци округĕн полномочиллĕ представителĕ М.В.Бабич, Чăваш Ен Пуçлăхĕ М.В.Игнатьев, Раççей Федерацийĕн Федераци Пухăвĕн икĕ палата представителĕсем тухса калаçаççĕ.
Пленарлă канашлун модераторĕ - Раççей Федерацийĕн Патшалăх Думин Комитечĕн Председателĕн çумĕ А.И.Аршинова.