31 августа 2016 г.
Республикăра пултаруллă çамрăксене вĕренÿре, ĕçре, спортра, творчествăра тунă çитĕнÿсемшĕн ятарлă стипендипе хавхалантарасси йăлана кĕнĕ ĕнтĕ.
Ку вăл Чăваш Ен Пуçлăхĕн хушăвĕпе килĕшÿллĕн пулса пырать. Кăçал та Чăваш Республикинчи «Çамрăксен пуçарулăхĕсен центрĕнче» 14-30 çулсенчи çамрăксенчен сентябрĕн 20-мĕшĕччен ятарлă стипенди илмешкĕн тăратнă документсем йышăнаççĕ.
Конкурса вĕренÿре, спортра, наука, тĕпчев, производство ĕçĕнче курăмлă çитĕнÿсем тунă пултаруллă вĕренекенсем тата тĕрлĕ отрасльте ĕçлекенсем хутшăнма пултараççĕ. Кун çинчен тĕплĕнрех район администрацийĕн вĕренÿпе çамрăксен политикин пайĕнче ыйтса пĕлме пултаратăр.
Ф.ЦЫГАНОВА.