31 августа 2016 г.
Раççей Федерацийĕн Президенчĕ кăçал çĕршывăмăрта Раççей кино çулталăкĕ тесе палăртрĕ. Çавăн пекех Раççей кино кунĕнче пуçласа «Каçхи кино» акци иртрĕ. Район халăхĕ культура учрежденийĕсенче пĕрремĕш хут йĕркелекен акцие активлă хутшăнчĕ.
Кино курма юратакансем чи малтанах «Каç ĕнтрĕкĕнчи лармара» уявра киленчĕç. Ача-пăча Тĕп лапамри асфальт çине кинофильмсенчи сăнарсене ÿкерчĕ. Клубăн фойинче «Елчĕк ен» сăнÿкерчĕксен студийĕ ĕçлерĕ. Кунтах библиотекарьсем «Кĕнеке страницисенчен - пысăк экрансем çине» куравпа паллаштарчĕç.
«Кинофильмсенчи юрăсем» фестиваль юрă ăстисене пуçтарчĕ. Пĕччен, иккĕн, виççĕн, ушкăнпа шăрантарчĕç эпир юратакан картинăсенчи юрăсене.Чи лайăх юрăçсене палăртрĕç.
Концерт хыççăн киносеанс пуçланчĕ. Ачасем «Смешарики. Легенда о золотом драконе», аслисем «Легенда», «Батальонь» кинофильмсем курчĕç.