24 августа 2016 г.
Сентябрĕн 10-мĕшĕнче Чăваш Енре республикăра пурăнакан халăхсен съезчĕ иртет.
Национальноçсен ĕçĕсен районти канашĕн ларăвĕнче республикăра пурăнакан халăхсен съездне хутшăнма делегатсем суйласси тĕп вырăнта пулнă. Ку ыйтупа район администрацийĕн пуçлăхĕн пĕрремĕш çумĕ Л.Левый тухса калаçнă. Вăл палăртнă тăрăх, форумра Чăваш Енре пурăнакан халăхсен чĕлхине, культурине, йăли-йĕркине сыхласа хăварассине сÿтсе яваççĕ. Чăваш Республикинче пурăнакан халăхсен съездĕнче нацисемпе конфессисем хушшинче килĕшÿлĕхпе тăнăçлăха çирĕплетес енĕпе йышăнусем пулĕç.
Ларура съезда каякансен йышне палăртнă. Унта чăвашсем те, тутарсем те, вырăссем те пур.
Çавăн пекех сентябрĕн 5-10-мĕшĕсенче районти вĕренÿ тата культура учрежденийĕсенче иртекен халăхсен туслăхĕн эрнин мероприятийĕсен планне çирĕплетнĕ.