10 августа 2016 г.
Часах Чăваш Енĕн шĕкĕр хулин - Шупашкарăн кунĕ иртет. Çавна май интернет тытăмĕнче унăн www.cheboksary547.ru информаци порталĕ уçăлнă.
Информаци порталĕнче Шупашкар хулин кунĕнче иртекен массăллă проектсемпе фестивальсем çинчен паллашма пулĕ.
Кăçал тĕп хулан уявне августăн 21-мĕшĕнче ирттереççĕ. Анчах вĕсенчен чылайăшне нумай вăхăт уявлама палăртнă.
Кăçал Шупашкар хулин кунĕнче «Стрижи» пилотаж ушкăнĕ пулмĕ. Çапах та ытти мероприятисем çынсене хăйсем патне илĕртĕç. Акă, августăн 20-мĕшĕнче легендăна кĕрсе юлнă Василий Иванович Чапаев комдива асăнса Чапаев скверĕнче уяв пулĕ. Кунта унăн мини-штабĕ вырнаçĕ, сĕтелçин «Чапай» вăййисем, ытти конкурссем иртĕç, каçхине вара велосипедистсем старта тухĕç.
Шупашкар хулин кунĕнче Раççей эстрадин çăлтăрĕн, Раççей халăх артисчĕн Олег Газмановăн концертĕнче, дискотекăра чун-кăмăла çĕклеме пулĕ. Уяв вĕçĕнче - фейерверк.