10 августа 2016 г.
Районти тĕп библиотекăри краеведени уйрăмĕнче РСФСР тава тивĕçлĕ артистне, Чăваш Республикин халăх артистне, Канаш хулин хисеплĕ çыннине - Станислав Садальский артист çуралнăранпа 65 çул çитнине халалласа информаци сехечĕ иртнĕ.
90 ытла кинокартинăра тата «Ералаш» киножурналти тăхăр сюжетра ÿкерĕннĕ паллă артист Патăрьел районĕнчи Шăнкăртам ялĕнче çуралнă. Юрий Александровичпа Нина Васильевна Садальскисем каярахпа Канаша куçса кайнă. Пулас артистăн ашшĕпе амăшĕ учительте ĕçленĕ. Амăшĕ географи вĕрентнĕ. Каярахпа хулари çутĕç пайне ертсе пынă. Ашшĕ Канашри финанс техникумĕнче физкультура вĕрентнĕ. 12 çулта Станислав амăшĕсĕр тăрса юлнă. Ашшĕ пĕртăвансене Воронежри интерната панă. Тăлăхскер шкулти спектакльсенче вылянă.
Вăтам шкул хыççăн Станислава Мускаври нихăш театр та вĕренме илмен. Çапла вара малалла ăнтăлакан каччă токарь пулăшаканĕнче те ĕçленĕ. Çав вăхăтрах культура çурчĕ çумĕнчи драма коллективне çÿренĕ. 1969 çулта Театр искусствин патшалăх институтне вĕренме кĕнĕ. Унтан вара кинофильмсенче ÿкерĕнме пуçланă.
Халĕ Станислав Садальский чăвашран тухнине пурте пĕлеççĕ, унпа мухтанаççĕ.