10 августа 2016 г.
Раççей ШĔМĕн муниципалитетсем хушшинчи «Комсомольский» уйрăмĕн лицензипе ирĕк паракан подразделенийĕ лицензисем, хĕç-пăшал туянма, упрама ирĕк, уйрăм хуралçă удостоверенийĕсем пама электрон майĕпе патшалăх пулăшăвне илме сĕнет.
Çак майпа патшалăх пулăшăвĕ илме меллĕ, вăхăт перекетленет: подразделенине заявлени пама килсе çÿрессинчен хăтарать, заявленипе пĕрле кирлĕ документсен пуххине электрон майĕпе пама пулать, документсем пирки тĕрлĕ информаципе тивĕçтерет. Заявлени тата документсен пуххине туллин панă пулсан палăртнă вăхăтра çеç лицензи, ирĕк е удостоверени илме подразделенине килмелле.
Электрон майĕпе заявлени парас тесен, Патшалăх пулăшăвĕсен пĕрлехи порталĕнче www.gosuslugi.ru интернет-адреспа регистрациленмелле. Кунта патшалăх пенси страхованийĕн страхлав свидетельстви кирлĕ.
Çынсем нумай функциллĕ центр урлă та пулăшусем илме пултараççĕ. Вăл Елчĕк ялĕнчи Иванов урамĕнчи 13-мĕш çуртра /тĕп библиотека çуртĕнче/ вырнаçнă.
Шалти ĕçсен министерствин электрон майĕпе паракан патшалăх пулăшăвĕсем çинчен Патшалăх пулăшăвĕсен пĕрлехи порталĕнче е Чăваш Республикин ШĔМĕн сайтĕнче паллашма пулать.
Л.НИКИФОРОВА,
инспектор.