03 августа 2016 г.
Вĕренÿре - ăнăçу
Кĕçĕн Таяпари культура çуртĕнче синкер лару-тăрăва сирес, пушар хăрушсăрлăхне тивĕçтерес енĕпе вĕренÿ иртнĕ.
Паянхи пурнăçра тĕрлĕ инкексенчен сыхланасси тĕп вырăнта пулмалла. Кĕçĕн Таяпари культура çуртĕнче иртнĕ вĕренÿре пушара хирĕç кĕрешекен, обществăри йĕркелĕхе сыхлакан, ГИБДД, медицина, газпа, электроэнергипе тивĕçтерекен службăсен ĕç-хĕлне тĕрĕсленĕ. Вăл ăнăçлă иртнĕ.
95 çул. Сахал мар вăл...
Чăваш Тăрăмĕнче пурăнакан Илья Волков 95 çулхи юбилейне уявланă.
Ĕçпе вăрçă ветеранне Аслă Таяпа ял тăрăхĕн пуçлăхĕ В.Сапожникова Раççей Федерацийĕн Президенчĕн В.Путинăн Тав çырăвне, хаклă парне парса чысланă. Юбиляра Чăваш Тăрăмĕнчи культура ĕçченĕсем, тăванĕсем саламланă.
Уяв хыççăн уяв
Район центрĕнче çар службинче пулнă салтаксем уяв хыççăн уяв ирттереççĕ.
Иртнĕ вырсарникун Тинĕс çар службинче пулнисем хăйсен уявне паллă тунă. «Елчĕк районĕнчи моряксен туслăхĕн» организацийĕн ертÿçи А.Головин ĕçтешĕсене саламланă. Раççей Федерацийĕн ялавне çĕклеме тин çеç çар службинчен таврăннă И.Григорьев моряк тивĕçнĕ. Исемпелĕнчи А.Захаров, 87 çул тултарнă пулин те, ватăлма васкамасть - вăл та парада хутшăннă.
Ĕнер Сывлăш десант çарĕнче службăра пулнисем те хăйсен уявне уявланă.
Спорт вăй парать
Пирĕн район команди Чăваш Республикинчи патшалăх влаçĕн тата вырăнти хăйтытăмлăх органĕсен XV спартакиадине хутшăннă.
Йĕпреç районĕнчи Камай уйĕ - истори пĕлтерĕшлĕ вырăн. Хаяр Иван патша ертсе пынипе вырăс çарĕсем Хусана илнĕ чухне палăрнă Камай Хусеинов паттăра уйăрса панă çĕр лаптăкĕнче республика шайĕнчи спорт ăмăртăвĕсем иртеççĕ. Кăçалхи спартакиада та çынсене хăйĕн патне илĕртнĕ. Сăмах май, Чăваш Енре сывă пурнăç йĕркине кăмăллакансен йышĕ çулсерен ÿссе пырать. Хальхи вăхăтра 34 пин ытла хĕрпе яш ятарлă спорт шкулĕсенче ăсталăха ÿстереççĕ.
Ентешĕмĕрĕн пултарулăх чикки
Чăваш Наци библиотекин «Кĕмĕл ĕмĕр» галерейинче пирĕн ентешĕмĕрĕн - Владимир Галошевăн куравĕ уçăлчĕ.
Кушкă ялĕнче çуралса ÿснĕ, Чăваш Республикин Художниксен союзĕн, Раççей Федерацийĕн журналистсен союзĕн членĕн Владимир Галошевăн пултарулăхĕ анлă. Вăл - нумай статьяпа кĕнеке авторĕ. Кунпа çеç лăпланса лармасть В.Галошев - фильмсем те, видеороликсем те ÿкерет.
Чăвашлăх - унăн тĕп теми. Куравра живопиçĕн тĕрлĕ техникипе ÿкернĕ картинăсем, декораципе хушма искусство ĕçĕсем пулĕç.