30 июля 2016 г.
Шупашкарти ÿнер музейĕнче Валерий Аркадьевич Ивановăн /Северянин/ ÿкерчĕкĕсен куравĕ уçăлчĕ.
Художник 30 çул ытла Раççей тăрăх çÿлçÿревре çÿрет. Хăй курнă илеме кăтартма тăрăшнă та автор хăйĕн ÿкерчĕкĕсенче. Куравра художникăн 200 ытла ĕçĕпе паллашрăмăр.
В.Иванов /Северянин/ Çĕпĕрте пурăннă, унтах ĕçленĕ. Çавна май художникăн нумай картининче - Тюмень, Урал, Диксон утравĕ, Чукотка, Камчатка. Шупашкар, Атăл, Байкал, Алтай, Крым пейзажĕсене сăнлакан ÿкерчĕксем те вуншар.
Валерий Аркадьевичăн тымарĕсем Елчĕк тăрăхĕнчен. Çавна май вăл хăйĕн хăшпĕр картинисене Елчĕк музейне парнелессине пĕлтерчĕ.